Beləki, aparılan statistika nəticəsində bəlli olub ki, Sarkozi Fransa tarixində yarım əsr ərzində keçirilən seçkilərin birinci mərhələsində qalib gəlməyən ilk prezidentdir.
Ekspertlərin rəyləri Fransa seçkilərində düz çıxıb. Beləki, Nikola Sarkozi gözlənildiyi kimi Fransada keçirilən prezident sçekilərinin ilk mərhələsində rəqibini üstələyə bilməyib. Yelisey Sarayının gələcək prezidentinin kimin olması mayın 5-i keçirilən seçkilərin ikinci mərhələsində bəlli olacaq.
Fransa Daxili İşlər nazirliyindən verilən məlumata görə, birinci mərhələdə Nikola Sarkozi seçicilərin 27,1%-ni, onun seçkilərdə əsas rəqibi Fransua Orland isə 28,6% səs faizi toplayıb.
Fransua Orlandın birinci mərhələdəki qalibiyyəti ona böyük əminlik və güvən yaratsa da, ekspertlər hələ tələsməyin mənasız olduğunu bildirirlər. Onların fikrincə, aradakı səs faizi çox azdır və ola bilər ki, ikinci mərhələdə Nikola Sarkozi Orlandı səs faizi ilə üstələsin.
|