Suriyada zorakılığa son qoyulması üzrə BMT planının icrası üçün qoyulan möhlət yaxınlaşdığı vaxtda bu ölkənin xarici işlər nazirliyi bəyanat yayıb. Bəyanatda bildirilir ki, BMT-nin vasitəçisi Kofi Annan silahlı terrorçu qruplaşmaların ölkədə bütün zorakılığa son qoymağa razılığı ilə bağlı yazılı zəmanət hələ təqdim etməyib. Suriya xarici işlər nazirliyinin mətbuat katibi Cihad Makdessi onu da bildirib ki, Dəməşqin şəhərlərdən və onların ətraf ərazilərindən aprelin 10-dək qüvvələrin çıxarılacağı ilə bağlı əvvəlcə verilən bəyanatlar yanlış izah olunub. Qeyd edək ki, ötən gün Suriyada son zamanların ən qanlı zorakılıq aktları ilə yadda qalıb. İdlib, Hələb və Həma şəhərlərinə şiddətli aviazərbələr nəticəsində 160-dan çox insanın öldüyü bildirilir.