XeberdarOlaq.Ucoz.Com

Xəzərdə 100 milyardlıq layihə-FOTO

Admin_VuqaR — Tue, 09 Jul 2013 19:26:02 GMT

Azərbaycanın "Avesta” konserninin Xəzər adalarında ("Khazar İslands”) inşa etdiyi yeni yaşayış kompleksinin tikintisi davam edir.

Şirkətin mətbuat xidmətindən AzərTAc-a bildirmişlər ki, hazırda özündə 40-50 iri yaşayış binasını birləşdirən 4 böyük adadan birinin inşası davam etdirilir. Bu adada 100 min sakin yaşaya biləcək.

Ümumilikdə isə şəhər 800 min daimi sakin və 200 min turist qəbul etmək iqtidarında olacaq. Layihə 2022-2023 illərədək üç mərhələdə inşa ediləcək, 2013-2014-cü illərdə isə şəhərə ilk sakinlər yerləşdiriləcəkdir.

Bundan əlavə, burada hər adaya "Naxçıvan”, "Yeni Nehrəm” kimi özünəməxsus adlar, həmçinin Azərbaycanın məşhur şəxslərinin adları veriləcək.

Miqyasına görə "Khazar İslands” Misirin "Toşka” layihəsini belə geridə qoymuşdur. Misirin layihəsinə 90 milyard dollar investisiya qoyuluşu nəzərdə tutulduğu halda, "Khazar İslands”a yatırılacaq investisiyanın ilkin hesablamalara görə dəyəri 100 milyard dollar olacaq.

Yukle( Sekilelre Bax )

Piter Krauç "Trabzonspor"un hədəfində

Admin_VuqaR — Tue, 09 Jul 2013 19:16:58 GMT

Trabzon təmsilçisi "Stok Siti" klubunun hücumçusu Piter Krauça "elçi" düşüb.

Türkiyə klubu artıq 32 yaşlı futbolçu ilə danışıqlara start verib.

İngilis futbolçunun transfer qiyməti 4 milyon avro olaraq göstərilir.

Tərəflər arasında razılıq əldə olunarsa, Krauç yeni mövsümdən Türkiyə Superliqasında çıxış edəcək.

Qeyd edək ki, Krauçun "Stok Siti" ilə 2015-ci ilə qədər müqaviləsi var.

Əcnəbi balonlarla futbol da oyandı - VİDEO

Admin_VuqaR — Tue, 09 Jul 2013 19:05:54 GMT

Fransada böyük plastik şarların içinə girərək futbol oynamağa çalışan bir qrup gəncin mübarizəsi internetdə böyük marağa səbəb olub.

On bir ayın sultanı - Ramazan gəldi

Admin_VuqaR — Tue, 09 Jul 2013 18:48:20 GMT

çərişəhər Cümə məscidinin axundu Hacı Surxay Məmmədlinin SəsTV-yə müsahibəsi

- Müqəddəs kitabımız Qurani-Kərimdə mübarək Ramazan ayı ilə bağlı nələr buyurulur?
- Ramazan ayı yeganə aydır ki, onun adı Qurani Kərimdə səslənir. Bəqərə sürəsinin 183-184-cü ayələrində bariz şəkildə Ramazan ayının İlahi ərəfindən əmr olunduğu buyrulur: "Ey allaha iman gətirən kəslər orucluq sizdən əvvəlki ümmətlərə vacib olunduğu kimi, sizlərə də vacib edildi ki, təqvə sahib olasız. Bu ayın müqəddəsliyi ondadır ki, bu ayda İlahi Qurani-Kərimi nazil edib. Məhz, ilk vəhy Ramazan ayına təsadüf edir. Bir sözlə söyləmək istərdim ki, Qurani-Kərim Ramazanın baharıdır, Ramazan da Qurani-Kərimin. Bu iki məhfumu bir-birindən ayrı təsəvvür etmək mümkün deyil.

- İnsanlar Ramazanda təkcə ac qalmaqlamı imtahana çəkilir?
- Ramazan ayında orucu batil eliyən 9 şərtlər var. Onlardan biri də yemək və içməkdir. Cismin nə qədər qidaya ehtiyacı varsa, mənəviyyatın da mənəvi qidaya ehtiyacı var. Şərt deyil ki, insan ac qalsın. Burada əsas məntiq insan cismən ac və susuz qalmaqla, eyni zamanda acların və susuzların qədrini bilsinlər. Ramazan ayı bərabərlik, ülfət ayıdır.

- Dərman preparatları qəbul edən insanlar oruc tuta bilərmi?
- Orucu batil edən şərtlərdən biri də qatı tozun insan boğazına getməsi, eyni zamanda, damarına xüsusi olaraq hansısa bir orqanı qidalandırmaq məqsədi ilə hansısa preparatın yeridilməsidir. Qurani- Kərimdə buyrulur ki, islam dini zor dini deyil, insanları zora salmaq olmaz. Bəzi müstəsnalar qeyd edilir ki, insanlar səfərdə olsalar, xəstə olsalar o zaman sağalandan sonra günə-gün oruc tutacaqlar. Əgər bilərəkdən oruclarını batil etsələr 60 gün qəza orucu tutacaqlar.

- Mühüm məsələlərdən bir də, Ramazan ayında toyların keçirilməsidir. Bununla bağlı islam dini hansı icazələri verir və yaxud da qadağaları qoyur?
- Ümumiyyətlə, nəinki Ramazan ayında hətta bütün il ərzində Allahın haram buyurduğu şeylər süfrədə olarsa heç bir ayda icazə verilmir. Bu bizim deyil, Quranın, Peyğəmbərlərin cavabıdır. Normal olaraq Ramazan ayı bayram ayı olduğu üçün insanlar toy edə bilərlər. Ancaq bu ayın bərəkətinə, insani keyfiyyətlərə görə çalışmaq lazımdır ki, süfrədə haram buyrulan şeylər olmasın. O zaman toy etmək qəbahət, günah sayılmaz.

- Fiziki qüsurları və yaxud xəstəliyi olan insanlar oruc tutmaqdan azaddır. Bəs o zaman onlar savab qazanmaq üçün bu ayda nə etməlidirlər?
- Əgər hər hansı bir kəs oruc tutmaq istəyir amma müəyyən qüsura görə tuta bilmirsə, onun əvəzində gün ərzində yediyi qidanın pulunu hesablamalı və yaxud ay ərzində yediyi qidanın pulunu hesablamalı kəffarə olaraq fidyə verməlidir. Yəni yetimin qarnını doyuzdurmalı, böyüyə-kiçiyə rəhm etməli, xüsusilə çoxlu sədəkələr verməlidir. İmkan çərçivəsində orucluğun fidyəsini və kəffarəsini verməlidir.

- Oruc tutan qadınların bir qismi kosmetik vasitələrdən istifadə edirlər. Bu orucu pozurmu?
- Allah gözəldir və bütün gözəllikləri sevir. Bütün əşyalar, zinnətlər xanımlara məxsusdur. Onlar öz məhrəmləri üçün nə qədr gözəl görünsələr bir o qədər yaxşıdır. Bu islamda bəyənilən amillərdəndir. Ramazan ayında bəzi xanımlar gündəlik həyat tərzlərindən fərqli olaraq, kosmetik vasitələrdən istifadə etmirlər. Ancaq bunun heç nəyə xələli yoxdur və orucu batil etmir. Yalnız sürmə istifadə edən xanımlar elə etməlidirlər ki, sürmə gözün daxilinə getməsin. Bir şeyi də nəzərə çatdıraq ki, namaz qılan xanımlar dəstəmazda bir az diqqətli olmalıdırlar. Məsələn, dəstəmaz alan zaman dırnaqları boyalı olanda dırnağa su dəymir və dəstəmazları batil olur. Dəstəmaz alınan bədən nahiyələrindən biri bağlı olarsa bu təbii ki, dəstəmazı, eyni zamanda namazı batil edir.

- Ramazan ayı yay fəslinə düşəndə oruc tutmaq qismən çətin olur. Bu fəsildə tutulan oruc nə dərəcədə fəzilətlidir?
- Bir neçə ildir ki, Ramazan ayı yay fəslinə təsadüf edir. Bununla bağlı biz hər zaman inanclı insanlara xəbərdarlıq edirik. Belə ki, iftar, imsak zamanı nə yediklərinə diqqətli olmalıdırlar. Bəzi insanlar bədən muavinətlərini qoruyub saxlamaq üçün təbii şirələrdən istifadə edirlər ki, bu da bir neçə saatdan sonra susamağa səbəb olur. Ümumiyyətlə, Ramazan ayında isanlar adaptasiya olunmalıdır. İnsanlar fikirləşməlidir ki, müəyyən şeylər mənim cismimə, ruhuma, bədənimə müəyyən çətinliklər yaradacaqsa, oruc tutmağıma mane olacaqsa bu hala insan özünü hazırlamalıdır. Peyğəmbərlərimizin hədislərində isti, qızmar günlərdə oruc tutmaq birə-yüz dəyərləndirilir. Əgər insan qızmar günəşin altında oruc tutursa, dodaqları istidən çatlayıbsa, onun ağzından çıxan hər nəfəs "La İlahə İllalah”dı, zikrdi, təsbehdi. Bundan böyük savab yoxdu. İnsanlara tövsüyyə edilir ki, məhz qızmar aylarda oruc tutsunlar ki, axirətin odundan azad olsunlar.

Zakir Qaralovdan yeni kadr dəyişikliyi

Admin_VuqaR — Tue, 02 Jul 2013 18:53:27 GMT

Baş Prokurorluğun mətbuat xidmətinin rəhbəri Eldar Sultanovun bildirib ki, Azərbaycanın baş prokuroru Zakir Qaralovun müvafiq əmrləri ilə Baş prokurorun köməkçisi Valeh Səmədov, Baş Prokurorluğun Təşkilat-Analitik idarəsinin prokuroru Zakir Müslümov və Laçın rayon prokuroru Mübariz Bayramov tutduqları vəzifələrdən azad edilərək müvafiq olaraq Quba, Şamaxı və Şabran rayon prokuroru vəzifələrinə təyin ediliblər.

Ərdoğana faşist pankartı açanlar axtarılır

Admin_VuqaR — Tue, 02 Jul 2013 18:48:18 GMT

Gezi parkı aksiyaları zamanı ölkənin müxtəlif yerlərində yüzlərlə pankartlar açıldı ki, bunlardan da əksəriyyəti Ərdoğana aid idi.

Fotodan da gördüyünüz kimi, pankartların birində baş nazir Hitlerə bənzədilərək faşist adlandırılır.

Türkiyə mətbuatının yaydığı məlumata görə, bu pankartı açan 3 nəfər barəsində araşdırma aparılır.

Polis aksiya zamanı bu şəxsləri həbs etməsə də, video görüntülərini çəkib. Artıq həmin 3 gəncin ifadəsi alınıb.

Azərbaycan Respublikası Prezidentinin Fərmanı

Admin_VuqaR — Tue, 02 Jul 2013 18:42:45 GMT

Azərbaycan Respublikasının Prezidenti İlham Əliyev "Avtomobil yolları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2013-cü il 14 may tarixli 648-IVQD nömrəli Qanununun tətbiqi haqqında
fərman imzalayıb.

Sənəddə deyilir:

"Azərbaycan Respublikası Konstitusiyasının 109-cu maddəsinin 19-cu bəndini rəhbər tutaraq, "Avtomobil yolları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2013-cü il 14 may tarixli 648-IVQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədi ilə qərara alıram:

1. Azərbaycan Respublikasının Nazirlər Kabineti:
1.1. üç ay müddətində:
1.1.1. Azərbaycan Respublikası qanunlarının və Azərbaycan Respublikası Prezidentinin aktlarının "Avtomobil yolları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanununa uyğunlaşdırılması ilə bağlı təkliflərini hazırlayıb Azərbaycan Respublikasının Prezidentinə təqdim etsin;
1.1.2. Azərbaycan Respublikası Nazirlər Kabinetinin normativ hüquqi aktlarının həmin Qanuna uyğunlaşdırılmasını təmin etsin və bu barədə Azərbaycan Respublikasının Prezidentinə məlumat versin;
1.1.3. "Avtomobil yolları haqqında” Azərbaycan Respublikası Qanununun pozulmasına görə Azərbaycan Respublikasının İnzibati Xətalar Məcəlləsində müəyyən edilmiş məsuliyyətin təkmilləşdirilməsinə dair təkliflərini hazırlayıb Azərbaycan Respublikasının Prezidentinə təqdim etsin;
1.1.4. həmin Qanunun 25-ci maddəsinin altıncı hissəsində nəzərdə tutulmuş avtomobil yollarının vahid dövlət reyestrindən çıxarış verilməsi üçün dövlət rüsumunun məbləğinin müəyyən edilməsi ilə bağlı təkliflərini hazırlayıb Azərbaycan Respublikasının Prezidentinə təqdim etsin;
1.1.5. həmin Qanunun 10-1-ci maddəsinin üçüncü hissəsində nəzərdə tutulmuş şəhər avtomobil yollarının təsnifatını müəyyən etsin və bu barədə Azərbaycan Respublikasının Prezidentinə məlumat versin;
1.1.6. həmin Qanunun 14-cü maddəsinin ikinci hissəsində nəzərdə tutulmuş avtomobil yollarının təhkim zolağının ölçülərini müəyyən etsin və bu barədə Azərbaycan Respublikasının Prezidentinə məlumat versin;
1.1.7. həmin Qanunun 15-ci maddəsinin səkkizinci hissəsində nəzərdə tutulmuş avtomobil yollarının tikintisi, yenidən qurulması və təmiri işlərinin avtomobil yollarının bilavasitə altında və ya yolların kənarı boyunca yerləşən mövcud mühəndis-kommunikasiya təminatı sistemlərini istismar edən qurumların işləri ilə uzlaşdırılması qaydasını müəyyən etsin və bu barədə Azərbaycan Respublikasının Prezidentinə məlumat versin;
1.1.8. həmin Qanunun 15-1-ci maddəsinin üçüncü hissəsində nəzərdə tutulmuş dövlət mülkiyyətində olan avtomobil yollarının qorunma (mühafizə) zolaqlarının ölçülərini müəyyən etsin və bu barədə Azərbaycan Respublikasının Prezidentinə məlumat versin;
1.1.9. həmin Qanunun 15-2-ci maddəsinin ikinci hissəsində nəzərdə tutulmuş avtomobil yollarının ehtiyat zonalarında bina və qurğuların, kommunikasiyaların yerləşdirilməsi qaydasını müəyyən etsin və bu barədə Azərbaycan Respublikasının Prezidentinə məlumat versin;
1.1.10. həmin Qanunun 25-ci maddəsinin yeddinci hissəsində nəzərdə tutulmuş avtomobil yollarının vahid dövlət reyestrinin yaradılması və aparılması, habelə reyestrə daxil edilmiş məlumatların verilməsi qaydasını müəyyən etsin və bu barədə Azərbaycan Respublikasının Prezidentinə məlumat versin;
1.1.11. avtomobil yollarının vahid dövlət reyestrinin yaradılması və aparılması ilə əlaqədar müvafiq tədbirlərin həyata keçirilməsini təmin etmək məqsədi ilə, Azərbaycan Respublikasının Maliyyə Nazirliyi və Azərbaycan Respublikası Nəqliyyat Nazirliyinin təklifləri nəzərə alınmaqla, maliyyə vəsaiti ayrılmasını təmin etsin;
1.1.12. "Avtomobil yolları” Məqsədli Büdcə Fondunun əlavə mədaxil mənbələrinin müəyyənləşdirilməsinə dair təkliflərini Azərbaycan Respublikasının Prezidentinə təqdim etsin;
1.1.13. "Azəryolservis” Açıq Səhmdar Cəmiyyətinin tərkibində (tabeliyində) olan qurumların siyahısını müəyyən etsin və bu barədə Azərbaycan Respublikasının Prezidentinə məlumat versin;
1.2. mərkəzi icra hakimiyyəti orqanlarının normativ hüquqi aktlarının "Avtomobil yolları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanununa uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;
1.3. həmin Qanundan irəli gələn digər məsələləri həll etsin.

2. Azərbaycan Respublikasının Nəqliyyat Nazirliyi "Avtomobil yolları haqqında” Azərbaycan Respublikası Qanununun 34-1-ci maddəsinin birinci hissəsinin on birinci bəndinə uyğun olaraq, avtomobillərin karxana avtomobillərinə aid edilməsinə dair tələbləri iki ay müddətində müəyyən etsin.

3. Müəyyən edilsin ki:
3.1. "Avtomobil yolları haqqında” Azərbaycan Respublikası Qanununun 21-ci maddəsinin altıncı hissəsində nəzərdə tutulmuş "müvafiq icra hakimiyyəti orqanı”nın səlahiyyətlərini Azərbaycan Respublikasının Prezidenti həyata keçirir;
3.2. həmin Qanunun 10-1-ci maddəsinin üçüncü, 14-cü maddəsinin ikinci, 15-ci maddəsinin səkkizinci, 15-1-ci maddəsinin üçüncü, 15-2-ci maddəsinin ikinci, 19-2-ci maddəsinin birinci, 25-ci maddəsinin yeddinci, 29-cu maddəsinin on ikinci və 40-2-ci maddəsinin birinci hissələrində nəzərdə tutulmuş "müvafiq icra hakimiyyəti orqanı”nın səlahiyyətlərini Azərbaycan Respublikasının Nazirlər Kabineti həyata keçirir;
3.3. həmin Qanunun 15-1-ci maddəsinin dördüncü hissəsində, 19-2-ci maddəsinin ikinci hissəsinin birinci cümləsində, 25-ci maddəsinin ikinci, beşinci və altıncı hissələrində, 34-1-ci maddəsinin birinci hissəsinin on birinci bəndində nəzərdə tutulmuş "müvafiq icra hakimiyyəti orqanı”nın səlahiyyətlərini Azərbaycan Respublikasının Nəqliyyat Nazirliyi həyata keçirir;
3.4. həmin Qanunun 14-cü maddəsinin üçüncü hissəsinin ikinci bəndində və 15-1-ci maddəsinin altıncı hissəsində nəzərdə tutulmuş "müvafiq icra hakimiyyəti orqanı”nın səlahiyyətlərini yol hərəkətinin təhlükəsizliyi sahəsində Azərbaycan Respublikasının Daxili İşlər Nazirliyi, digər sahələrdə isə Azərbaycan Respublikasının Nəqliyyat Nazirliyi həyata keçirir;
3.5. həmin Qanunun 1-ci maddəsinin birinci hissəsinin on doqquzuncu bəndində, 10-1-ci maddəsinin ikinci hissəsində, 13-cü maddəsinin altıncı hissəsinin birinci cümləsində və on birinci hissəsində nəzərdə tutulmuş "müvafiq icra hakimiyyəti orqanı”nın səlahiyyətlərini Azərbaycan Respublikasının Nəqliyyat Nazirliyi və yerli icra hakimiyyəti orqanları öz balanslarında olan avtomobil yollarına münasibətdə həyata keçirirlər;
3.6. həmin Qanunun 19-1-ci maddəsinin üçüncü hissəsində nəzərdə tutulmuş "müvafiq icra hakimiyyəti orqanı”nın səlahiyyətlərini Azərbaycan Respublikasının Tarif (qiymət) Şurası həyata keçirir.

4. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların "Avtomobil yolları haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanununa uyğunlaşdırılmasını təmin etsin və bu barədə Azərbaycan Respublikasının Nazirlər Kabinetinə məlumat versin.

Azərbaycanlılar sərhədi keçib Ermənistana getdilər - VİDEO

Admin_VuqaR — Thu, 20 Jun 2013 18:32:28 GMT

İyun ayının 7-si tarixində iki nəfər Azərbaycan vətəndaşı Ermənistan sərhəddini yararaq tarixi, əzəli torpaqlarımız olan Qarakilsə (Sisyan) rayonuna keçiblər.

Mahir və Fazil adlı iki soydaşımız sözügedən rayonun Murxuz kəndi ərazisində yerləşən "Qırxlar" pirinə gedərək o müqəddəs yeri ziyarət ediblər. Onlar həyatlarını böyük riskə ataraq düşmən nəzarəti altında olan torpaqlarımızı ziyarət edib və eyni zamanda ərazidən çəkiliş apararıblar.

Menbe:video youtubden qoy sayta:/xəberle.com/

video youtubden qoy sayta:

Azərbaycanda keçiriləcək hərbi paradda ilk dəfə olaraq «Buk» zenit-raket kompleksi də nümayiş etdiriləcək

Admin_VuqaR — Thu, 20 Jun 2013 10:21:35 GMT

Bir Nece Sizma Menbelere Gore İyunun 26-da keçiriləcək hərbi paradda ilk dəfə nümayiş olunacaq silah sistemləri arasında Azərbaycan Silahlı Qüvvələrinin bir neçə il əvvəl silahlanmaya qəbul etdiyi «Buk» zenit-raket kompleksi də yer alacaq.

Artıq zenit-raket kompleksi paradda iştirak edəcək hərbi texnikalarla birlikdə «Azadlıq» meydanına gətirilib. «Buk» kompleksləri ilə yanaşı, parada ilk dəfə olaraq «Tor» zenit-raket komplekslərinin nümayişi də planlaşdırılır.

MTN əməliyyat keçirdi

Admin_VuqaR — Thu, 20 Jun 2013 10:15:50 GMT

Milli Təhlükəsizlik Nazirliyinin İctimai Əlaqələr Mərkəzindən cümə axşamı verilən məlumata görə, nazirlik tərəfindən həyata keçirilmiş əməliyyat tədbiri nəticəsində ölkənin maliyyə-pul sisteminə ciddi təhlükə yaradan saxta ödəniş vasitələrinin qeyri-qanuni tədavülə buraxılmasının qarşısı alınıb, Azərbaycan Respublikasının vətəndaşı Ağasənov Çingiz Müseyib oğlu cinayət başında yaxalanıb.

Müəyyən edilib ki, Çingiz Ağasənov və qeyriləri satış məqsədi ilə Türkiyə Respublikasında əldə etdikləri külli miqdarda saxta xarici valyutanı satış məqsədi ilə Azərbaycan Respublikasına gətirmişlər.

Çingiz Ağasənovun yaşadığı Sumqayıt şəhəri, Corat qəsəbəsindəki evinə keçirilmiş baxış nəticəsində 137 ədəd saxta 100 ABŞ dolları əskinasları aşkar edilərək götürülmüşdür.

Faktla bağlı Azərbaycan Respublikası Cinayət Məcəlləsinin 204.3.2-ci (satış məqsədilə külli miqdarda saxta xarici valyuta əldə etmə və ya satma) maddəsi ilə cinayət işi başlanılmışdır. Ağasənov Çingiz Müseyib oğlu təqsirləndirilən şəxs qismində cəlb olunaraq məhkəmənin qərarı ilə barəsində həbs qətimkan tədbiri seçilmişdir.

Cinayət işi üzrə bütün halların araşdırılması, bu hüquqazidd əməllərin digər iştirakçılarının müəyyənləşdirilməsi istiqamətində istintaq hərəkətləri və əməliyyat-axtarış tədbirləri davam etdirilir.