![»](http://xezerxeber.com/NewsImage/otel%20465465465.png)
Dövlət Statistika Komitəsindən verilən məlumata görə, gəlirlərin 76,5%-i nömrələrin satışından, 15,8%-i içkilər də daxil olmaqla qida məhsullarının satışından, qalanı isə digər xidmətlərin göstərilməsindən əldə edilib.
Hesabat ilində müəssisələrin xərcləri 0,9% artaraq, 88,7 milyon manat təşkil edib. Xərclərin əsas hissəsini əməkhaqqı xərcləri, içkilərin və yeməklərin hazırlanması üçün alınan mallara çəkilən xərclər və əsas fondların amortizasiya xərcləri təşkil edib və ümumi xərclərdəki payları müvafiq olaraq, 20,5%, 16,3% və 13% olub. Nəticədə 2011-ci ildə Azərbaycandakı mehmanxanaların məcmu mənfəəti 26 milyon manat təşkil edib ki, bu da 2010-cu ilə nisbətən 44,4% çoxdur.
Qeyd edək ki, 2011-ci ildə ölkədə turizm infrastrukturunun əsas elementlərindən biri olan 508 mehmanxana və mehmanxana tipli müəssisə fəaliyyət göstərib, onların 6,7%-i dövlət, 93,3%-i isə qeyri-dövlət müəssisəsidir. Bu müəssisələrdəki nömrələrin (otaqların) sayı 14,8 min vahid, birdəfəlik tutum isə 32 min çarpayı-yer olub. Mehmanxana və mehmanxana tipli müəssisələrdə yerləşdirilən şəxslərin sayı 2010-cu illə müqayisədə 16,3% artaraq, 510,2 min nəfər olub ki, onların da 50,6%-i xarici ölkə vətəndaşıdır. Yerləşdirilən Azərbaycan vətəndaşlarının sayı əvvəlki illə müqayisədə 11,5%, xarici ölkə vətəndaşlarının sayı isə 21,5% artıb. Xatırladaq ki, 2011-ci ildə mehmanxana və mehmanxana tipli müəssisələrdə çalışan işçilərin orta illik siyahı sayı 2010-cu illə müqayisədə 177 nəfər artaraq, 6 min 198 nəfərə çatıb və bir işçiyə düşən orta aylıq əməkhaqqının məbləği isə 245 manat təşkil edib.
|