Türkiyədə bu gündən etibarən dövlət çevrilişində şübhəli olan hərbiçilərin vəkil pulunu dövlət ödəməyəcək.
Türkiyənin Müdafiə Nazirliyi 20 ildir qüvvədə olan "Şübhəli Əsgərlərin Vəkil Ödənişləri" qanununda dəyişiklik edib. Dəyişikliyə görə, millətə və dövlətə qarşı cinayətlərdə şübhəli olan hərbiçilərin vəkil pulu dövlət tərəfindən ödənilməyəcək.
"Ergenekon", "Balyoz", "İslak İmza", "Admirallara sui-qəsd", "Qəfəs tədbirləri planı" və son olaraq "28 Fevral" istintaq işində həbs edilən şübhəlilər vəkil xidmətlərə görə veriləcək pulu şəxsən özləri ödəyəcəklər. Yeni qanun bu gündən qüvvəyə minib.
|