İtaliya çempionatında B seriyasının 35-ctu turunda "Peskara” və "Livorno” klublarının oyunu yarımçıq dayandırılıb. Buna "Livorno”nun yarımmüdafiəçisi Pyermario Morozininin ürəyinin dayanması səbəb olub.

Qonaqların oyunçusu kənar müdaxilə olmadan meydançada yerə yıxılıb və ayağa qalxa bilməyib. Stadionun tibbi personalı ona ilkin yardım göstərib və Pyermario Morozini xəstəxanaya çatdırılıb. Həkimlərin səyinə baxmayaraq, 25 yaşlı futbolçunun həyatını xilas etmək mümkün olmayıb və o, dünyasını dəyişib.