Fransa Statistika komitəsinin son açıqlamalarına əsasən, ölkədə dövlətin xərcləri, yenə də gəlirlərdən çoxdur. Bu ilin ikinci və üçüncü aylarında fərq daha çox artıb. Belə ki, ölkə büdcəsinin kəsri artaraq bu gün üçün 24.2 milyard avro təşkil edib. Bu isə yanvarla müqayisədə 2 dəfə çoxdur. Belə ki, yanvar ayında kəsr 12.5 milyard avro təşkil etmişdi. Hökumət 2016-cı ilə qədər büdcə kəsirini aradan qaldırmaq üçün xərcləri azaltmağa planlaşdırsa da hələ ki, bu məqsədinə nail ola bilmir. Hökumət xərclərini 75 milyard azaltmağı, vergi gəlirlərini isə 40 milyard avro artırmağı planlaşdırır. 2011-ci ilin yekununa əsasən büdcə kəsiri ÜDM-in 5.2% təşkil edib .Fransa 2012-ci ilin sonuna bu faiz 4.5 % qədər azaltmağı planlaşdırsa da hələ ki, bu istiqamətdə aparılan islahatlar nəticəsini vermir.
|