Bu gün saat 12:20 radələrində Bakı şəhəri Yasamal rayonu ərazisində fəhlənin ölümü ilə nəticələnən hadisə baş verib. Yasamal rayon Polis İdarəsindən verilən məlumata görə, Mətbuat prospekti 18 ünvanında tikilən hündürmərtəbəli binanın 11-cu mərtəbəsindən fəhlə yıxılaraq ölüb. Hadisə yerinə polis və təcili tibbi yardım çağrılıb. Ölən fəhlə Sabirabad sakini 1985-ci il təvəllüdlü Ziyafət Amanovdur.

 Bakı şəhəri Təcili və Təxirəsalınmaz Tibbi Yardım Stansiyasından XeberdarOlaq.Ucoz.Com-a verilən məlumata görə, dünyasını dəyişən fəhlə 25 -30 yaşlarındadır. Hadisə şahidlərinin verdiyi məlumata görə isə, ölən fəhlə Sabirabad rayonunun Şəhriyar kəndindəndir.

Faktla bağlı araşdırma aparılır.