XeberdarOlaq.Ucoz.Com-un məlumatına görə, artıq şəhərdə yeni multimedia taksofonların qurulmasına başlanıb. Paytaxtın bir neçə yerində taksofonlar üçün yer ayrılıb və lazımi hazırlıq işləri görülüb.
Bakı Telefon Rabitəsi İstehsalat Birliyindən Milli.Az-a verilən məlumata görə, yeni taksofonların quraşdırılması işi ilə Bakı şəhər İcra Hakimiyyəti məşğuldur. Bakı Avtomat Telefon Qovşağı taksofonların dislokasiya yerlərini müəyyənləşdirib və buna uyğun olaraq işlər aparılacaq.
Məlumata görə, Bakıda quraşdırılacaq, üzərində ingilis dilində yazılar olan universal tipli taksofonlar xüsusi dizaynı ilə fərqlənməklə həm kartla, həm də qəpiklə işləyəcək. Taksofonların üzərində istifadə qaydaları, ölkələrin və rayonların kodları, köməkçi məlumatlar olacaq.
Quraşdırma işlərinin aprelıin sonunadək başa çatdırılması nəzərdə tutulub.
Bakı Şəhər İcra Hakimiyyətindən görülən işlər barədə məlumat əldə etmək mümkün olmadı.
|