"Regionların sosial-iqtisadi inkişafı Dövlət Proqramı” çərçivəsində Yevlaxda kəndlərin qazlaşdırılması davam etdirilir. Rayonun 49 kəndindən 21-i artıq qazlaşdırlıb.

Yevlaxda mavi yanacaqdan istifadə olunan 22-ci kənd Bünyadabad olacaq. Kəndə qaz xəttləri bir pilləli sistem üzrə, istismar üçün uzun illərə hesablanan politelin borularla çəkilr. Daşıyıcı və məhəllədaxili xətlərin çəkilişi başa çatmaq üzrədir. Hazırda 150 abonent üçün sayğac quraşdırılır. Təhlükəsizlik üçün orta təzyiqli qaz axınını təmin etməklə, hər evdə xüsusi tənzimləyici qurğular da qoyulur.
Hazırda 15 min 500 abonentə xidmət edən Yevlax Qaz İstiemar Sahəsi 2012-ci il ərzində bu rəqəmi daha 28 kəndə qaz xətləri çəkməklə artıracaq. Bununla da Regionların Sosial İqtisadi İnkişafı Dövlət Proqramına uyğun olaraq Yevlax rayonun qazlaşdırlması tam başa çatdırlacaq.