"Nou Kamp” stadionunda düzənlənən konfransda klub prezidenti Sandro Rosell və idman direktoru Andoni Zubizarreta iştirak edib. "Barselona”nın bütün futbolçuları konfransı canlı izləyib.

Qvardiola açıqlamasında bir müddət əvvəl klub prezidentinə "Barselona”dakı işinin başa çatmaq üzrə olduğunu bildirdiyini deyib: "Barselona”nın nə qədər böyük bir klub olduğunu bildiyimi üçün həmişə qısamüddətli müqavilələr imzaladım. Burda çox gözəl 4 il keçirdim. Payızda prezidentimizə "Barselona”dakı zamanımın sonuna yaxınlaşdığımı bildirmişdi. Və artıq gedirəm. Qərarımın səbəbi çox sadədi. Çünki 4 il uzun müddətdi”.

Qvardiola futbolçulara təşəkkür edib: "Bütün futbolçularıma onlara rəhbərlik etməyimə kömək etdikləri üçün təşəkkür edirəm. Onlarla bu qədər müddət çalışmaq böyük şərəfdi. "Barselona”da işləmək gerçəkdən inanılmazdı”.

Baş məşqçi "Barselona”dan qürurla ayrıldığını bildirib: İndi bir az özümü yeniləməliyəm. Son üç gün çox ağır və çılğıncasına keçdi. Amma nə oldusa, oldu. Hamımızın yenilənməyə ehtiyacı var. Rahat gedirəm. Çünki burdakı missiyamı başa vurmuşam. Qazandığım nəticələrlə fəxr edirəm. Mənim yerimə gələcək mütəxəssis böyük uğurlar qazanacaq və boşluğumu dolduracaq”.

Qvardiola bir müddət işləməyəcəyini bildirib: "Yaxında və ya daha sonra əlbətdə bir yerdə işləyəcəm. Amma indi yox”.