Qeydiyyat Elemeden Saytdan Nese Oxruyan Ve yaxud Goturen .............!  

 Bu il dövlət büdcəsindən dövlət investisiya xərclərinə 5,8 milyard manat nəzərdə tutulub ki, bu vəsaitlərin də 2 milyard manata yaxını yol nəqliyyat layihələrinin maliyyələşdirilməsinə yönəldilib. Bu vəsaitlərin böyük bir hissəsi isə paytaxt Bakıda həyata keçirilən yol nəqliyyat layihələrinin reallaşmasına sərf olunub. 2 kilometr uzunluğunda yol 65 milyon manata yenidən qurulacaqMəlumat üçün qeyd edək ki, hazırda Bakıda onlarla yol nəqliyyat layihəsi həyata keçirilir. Cari ilin dövlət büdcəsindən ən çox vəsait "Heydər Əliyev Hava Limanı-Mərdəkan dairəsi-Bilgəh” avtomobil yolunun 6 cərgəli hərəkət üçün yenidən qurulmasına ayrılıb. 19 kilometr uzunluğunda yolun yenidən qurulması məqsədilə büdcədən 120 milyon manat vəsait ayrılıb. Onu da bildirək ki, bu yolun yenidən qurulması işlərinə 2009-2010-cu illər ərzində 250 milyon manat vəsait sərf olunub. Ən çox invesisiya ayrılan layihələrdən biri də "Bilgəh-Novxanı-Sumqayıt” yolunun tikintisidir. Bu yolun tikintisi və tikinti ərazisinə düşən obyektlərin satın alınmasına ötən il 59 milyon, bu il isə 93 milyon manat vəsait xərclənib. "Gənclik” metro stansiyası ətrafında müxtəlif səviyyəli yol qovşağının tikintisi üçün 2011-ci ildə 80 milyon manat investisya qoyulub. Qeyd edək ki, bu yol qovşağının tikintisi üçün ötən ilin büdcəsindən 225 milyon manat ayrılıb. Bunlardan başqa, bahalı yol nəqliyyat layihələri arasında Ziya Bünyadov prospektində yol infrastrukturunun yenidən qurulması da yer alır. Bu layihənin reallaşması məqsədilə cari ilin büdcəsindən 75 milyon manat vəsait ayrılıb. Bayıl qəsəbəsində Bayraq meydanı yaxınlığından keçən 2 kilometrlik yolun yenidən qurulması və əsaslı təmiri üçün isə 65 milyon manat nəzərdə tutulub. Nəqliyyatın intellektual idarə edilməsi sisteminin təşkili də bahalı layihələrdən hesab olunur. Bu il bu layihəyə 37 milyon manat investisiya yatırılıb. Onu da bildirək ki, bu günə qədər ölkə ərazisində həyata keçirilən ən bahalı yol nəqliyyat layihələri arasında ilk sırada Bakı-Quba-Rusiya dövlət sərhədi avtomobil yolunun (182 km) və "Əzizbəyov” dairəsindən Heydər Əliyev Hava Limanına gedən avtomobil yolunun yenidənqurulması, tikintisi (14 km), tikinti zolağına düşən mühəndis xətlərinin köçürülməsil yer alıb. Bu layihələrə müvafiq olaraq, 630 milyon manat və 360 milyon manat investisiya qoyulub. Qeyd edək ki, bu layihələrin icrası artıq başa çatıb. Yol nəqliyyat layihələrinə 1 milyon manatdan az investisiya ayrılmayıbPaytaxt ərazisində həyata keçirilən yol nəqliyyat layihələrindən bəzilərinə yuxarıda qeyd olunan layihələrdən fərqli olaraq, cari ilin dövlət büdcəsindən daha az investisiya ayrılıb. Ən az investisiya Xaqani Rüstəmov küçəsinin yenidən qurulması layihəsinə ayrılıb. Bu layihənin həyata keçirilməsi üçün cari ilin dövlət büdcəsindən 1 milyon manat xərclənib. Bundan başqa, "Nizami” kinoteatrının qarşısında, İnşaatçılar prospektində və Füzuli meydanında yerləşən mövcud yeraltı keçidlərin bərpasına 2 milyon 260 min manat vəsait sərf olunub. Məlumat üçün onu da bildirək ki, gələn ilin dövlət büdcəsindən yol nəqliyyat layihələrinə təxminən builki qədər - 2 milyard manat investisiya ayrılacaq.