Peykin orbitdə istismar müddətinin 15 il olacağı bildirilir Rabitə və İnformasiya Texnologiyaları Nazirliyindən verilən məlumata görə, bu ilin sonunda Azərbaycanın ilk telekommunikasiya peykinin orbitə çıxarılması nəzərdə tutulub. Xatırladaq ki, «Azerspace» adlanan ilk peyk ABŞ-ın aparıcı peyk istehsalçısı olan «Orbital Sciences Corporation» şirkəti tərəfindən «STAR-2» platforması əsasında hazırlanır. Peyk rəqəmli teleradio yayımı xidmətlərinin göstərilməsi, internet şəbəkəsinə çıxış, məlumatların ötürülməsi, eləcə də hökumət əlaqələrinin yaradılması üçün nəzərdə tutulub. Peykin orbitdə istismar müddətinin 15 il olması bildirilir. Bu il orbitə buraxılacaq telekommunikasiya peyki ilə yanaşı, yaxın üç il ərzində iki digər peykin də istifadəyə verilməsi planlaşdırılır.
|