Folklor İnstitutunun direktoru Muxtar İmanov jurnalistlərə bildirib ki, İnstitutun əməkdaşları folklor nümunələrinin toplanması üçün Qarabağa ezamiyyətə göndəriliblər.
"Biz bu işə artıq başlamışıq. Bir neçə əməkdaşımız Tərtərə ezam olunub və oradan maraqlı folklor məlumatları toplayıb gətiriblər. Qarabağın digər bölgələrində də bu işlər davam etdiriləcək. Ekspedisiyalar nəticəsində toplanılan materiallar əsasında Qarabağla bağlı azı 3 folklor antologiyası nəşr olunacaq”, – İmanov deyib.
O vurğulayıb ki, bu il, həmçinin həmin materiallar əsasında Qarabağın folkloru və etnoqrafiyası ilə bağlı böyük konfrans təşkil edilməsi nəzərdə tutulub.
İmanov bildirib ki, bundan başqa Qarabağın musiqi folkloru da öyrəniləcək.
"Nəzərdə tutmuşuq ki, Qarabağın xüsusi musiqi albomunu buraxaq. Qarabağla bağlı folklor nümunələrinin toplanılması, sistemləşdirilməsi, nəşri və onların araşdırılması işləri həyata keçirilir” – institut direktoru əlavə edib.