Son 10 il ərzində Türkiyənin ən varlı iş adamları könüllü olaraq xeyriyyə işlərinə nə qədər vəsait xərclədikləri barədə məlumat verməyiblər. "Kapital” jurnalı iyun sayında buna son qoyaraq 10 ilin ən xeyriyyəçi 20 iş adamın adını açıqlayıb.

Cədvələ 1.130 milyard YTL ilə "Koç Holdinq”in prezidenti Mustafa Koç başçılıq edir. İkinci yerdə 762 milyon YTL ilə "Bilkent Holdinq”in prezidenti Əli Doğramacı, üçüncü yerdə isə 675 milyon YTL ilə "Fiba Holdinq”in prezidenti Hüsnü Özyeğin gəlir.

Digər yerlərdə isə 302 milyon YTL ilə "Doğus Holdinq”in prezidenti Fərid Şahənk, 232 milyon YTL ilə "Opet”in prezidenti Fikret Öztürk, 231 milyon YTL ilə "Enka”nın prezidenti Sinan Tara, 200 milyon YTL ilə "Boydak Holdinq”in prezidenti Hacı Boydak, 200 milyon YTL ilə "Anadolu Endüstri Holdinq”in prezidenti Tuncay Özilhan, 148 milyon YTL ilə "Ağaoğlu” şirkətlər qrupunun prezidenti Əli Ağaoğlu, 102 milyon YTL ilə"Acıbadəm” Sağlık qrupunun prezidenti Mehmet Əli Aydınlar qərarlaşıb.