"Onlar çox gözəl bilirlər ki, cənab Prezidentin reytinqi xalq arasında çox yüksəkdir. Onların yaratdığı Milli Şura da, İctimai Palata kimi heç bir əhəmiyyəti olmayan quruma çevriləcək”.

Bu sözləri Milli.Az saytının əməkdaşı ilə söhbəti zamanı Demokratik Azərbaycan Dünyası Partiyasının (DADP) fəxri lideri Məmməd Əlizadə bildirib.

Onun sözlərinə görə, yaxın günlərdə bunun şahidi olacağıq.

M.Əlizadə onu da bildirib ki, müxalifət liderləri zaman-zaman bir-birlərinə qarşı atdıqları addımlar, bir-birlərini gözü götürməmək və başqa məsələlər ucbatından heç zaman birləşə bilməyiblər.

"Bu gün də, sadəcə olaraq, özlərinin məğlubiyyətlərini əvvəlcədən hiss etdiklərinə görə müəyyən bir qurum ətrafında birləşib heç olmasa güc nümayiş etdirə bilmək, gələcəkdə siyasi fəaliyyətlərini yaşada bilmək üçün birləşirlər”, - o qeyd edib.

Müxalifət partiyalarının ayrı-ayrılıqda güclərinin olmadığını deyən DADP-nin fəxri lideri onu da bildirib ki, həmin partiyalar birləşərək nəsə etməyə çalışırlar.

"Onlar güclərini birləşdirərək nəsə bir fəaliyyət ortaya qoymağa çalışırlar, amma reallıq bundan ibarətdir ki, orada toplaşan partiyaların rəhbərlərinin liderlik keyfiyyətləri çox aşağıdır. Qurumun adı əzəmətli səslənə bilər, ancaq qurumun siyasətdə uğur qazanması üçün onun kökündə sosial baza dayanmalıdır. Vətəndaş həmin qurumu dəstəkləmədikdən sonra nə qədər əzəmətli adlar seçsələr də, nə qədər birləşməyə çalışsalar da, heç bir uğurdan söhbət gedə bilməz”, - M.Əlizadə vurğulayıb.
Menbe:Milli.Az
Teymur Hacıyev