15:41
Daxili İşlər Nazirliyi ötən gecə Azadlıq meydanında baş verən yol qəzası ilə bağlı məlumat yayıb.
APA-nın nazirliyin saytına istinadən verdiyi məlumata görə, iyunun 9-da saat 23.00 radələrində Neftçilər prospektində Bakı şəhər sakini Əbil Zeynalov idarə etdiyi "Mercedes" markalı avtomaşınla yolu keçən 13 yaşlı Tahirə İsmayılovanı vurub.
T. İsmayılova aldığı xəsarətdən hadisə yerində ölüb.
Faktla bağlı Səbail Rayon Polis İdarəsi tərəfindən araşdırma aparılır.
--------- 09:13
Milli.Az Anspress-ə istinadən bildirir ki, Azadlıq meydanında qeydə alınan hadisə zamanı 19 yaşlı Zeynalov Əbil Abbas oğlunun idarəetdiyi "Mercedes” markalı minik avtomobili yolu keçmək istəyən piyada 13 yaşlı İsmayılova Tahirə Ələkbər qızını vurub. Zərbənin gücündən gənc qız elə hadisə yerində dünyasını dəyişib.
Yol nəqliyyat hadisəsi ilə bağlı Səbail Rayon Polis İdarəsinin əməkdaşları tərəfindən hadisə yerində araşdırma aparılıb. İlkin ehtimala görə, avtoqəza sürücünün nəqliyyat vasitəsini yüksək sürətlə idarə etməsi səbəbindən qeydə alınıb.
Faktla bağlı Səbail Rayon Polis İdarəsinin İstintaq şöbəsində cinayət işi başlanılıb. Araşdırmalar aparılır. Qəzanın dəqiq səbəblərinə isə istintaqın sonunda aydınlıq gətiriləcək.
--------- 07:06
Bakıda ağır yol qəzası baş verib.
Milli.Az APA-ya istinadən bildirir ki, iyunun 9-da saat 23.30 radələrində "Mercedes Gelandwagen” markalı avtomobil Azadlıq meydanında 15-16 yaşlarında qızı vurub.
Piyada aldığı xəsarətdən hadisə yerində ölüb. Hadisə baş verən andan Azadlıq meydanı ətrafında böyük tıxac yaranıb. Yol polisinin əməkdaşları hadisə yerində iş aparır.
Hadisə yerində olan polislər bildiriblər ki, qəzanı törədən sürücü artıq saxlanıb.
|