![»](http://xeberdarolaq.ucoz.com/_tbkp/sekiller321/picture194504.jpg)
Metronun "Elmlər Akademiyası" stansiyasının qarşısındakı problemlə bağlı Milli.Az-a göndərilən oxucu məktubu belə düşünməyə əsas verir.
Oxucu yazır ki, sözügedən metro stansiyasının qarşısındakı işıqforda hər gün səhər 07:45-09:00 vaxtlarında süni tıxaclar yaranır. Süni tıxaclara səbəb isə iritutumlu avtobusların yolun eyni istiqamətli hər 2 hərəkət zolağında saxlamasıdır. Digər sürücülər isə bu vəziyyətdə məcburi şəkildə qoşa xətti tapdalayaraq qarşı zolağa çıxır və təhlükəli vəziyyət yaranır.
Bakı Şəhər Yol Polis İdarəsinin bölmə rəisi Vaqif Əsədov XeberdarOlaq-a açıqlamasında bildirdi ki, yol polisi ərazi üzrə bu kimi qanun pozuntuları aşkarladıqda tədbir görür.
Bölmə rəisi metronun "Elmlər Akademiyası” stansiyasının qarşısındakı problemin yaranmaması üçün ərazi üzrə xidmətin gücləndiriləcəyini vurğuladı.
V.Əsədov əlavə etdi ki, yol polisi həmişə avtobuslara qarşı mütəmadi reydlər keçirir.
|