Metropolitenin mətbuat xidmətindən Trend-ə verilən məlumata görə, burada yeni giriş-çıxış konstruksiyası inşa olunacağından stansiyanın bu hissəsində də söküntü işlərinin genişləndirilməsi vaxtı yetişib. Bu günə qədər metropoliten rəhbərliyi sərnişinlərin bu çıxışdan istifadə etməsi üçün müxtəlif tədbirlər görüb. Lakin söküntünün və inşaatın bundan sonrakı mərhələsində, sərnişinlərin tam təhlükəsizliyi nəzərə alınaraq, əsas çıxışın bağlanması zərurəti yaranıb. Bununla yanaşı, 1967-ci ildə istifadəyə verilmiş stansiyanın istismar müddətini başa vurmuş və yararsız hala gəlmiş avadanlıqları da dəyişdiriləcək.
Bakı Metropoliteni rəhbərliyinin çıxışın bağlanmasını məhz yay tətilləri dövrünə salması bu aylarda sərnişin axınının nisbətən azalması ilə izah olunur.
Nazirlər Kabinetinin 30 dekabr 2012-ci il sərəncamından irəli gələn tələblərin yerinə yetirilməsi və yenidənqurma işlərinin sürətləndirilməsi məqsədilə stansiyanın əsas çıxışı iyulun 1-dən müvəqqəti olaraq bağlanacaq.
Bu müddət ərzində sərnişinlər stansiyanın Salatın Əsgərova küçəsi istiqamətində yerləşən giriş-çıxışından, həmçinin "Cəfər Cabbarlı" stansiyasından istifadə edə biləcəklər.
--------- 16:01
"Bakı Metropoliteninin rəhbərliyi müvəqqəti narahatlığa görə sərnişinlərdən üzr istəyir"
Bakı Metropoliteninin 2011-15-ci illərdə inkişafına dair Dövlət Proqramının icrası çərçivəsində yenidən qurulan «28 May» stansiyasında aparılan tikinti işləri ilə əlaqədar iyul ayının 1-dən stansiyanın əsas çıxışı (Cəfər Cabbarlı meydanına) müvəqqəti olaraq bağlanacaq.
Bakı Metropolitenindən APA-ya verilən məlumata görə, tikinti müddəti ərzində sərnişinlər metro stansiyasının Salatın Əsgərova küçəsi istiqamətində yerləşən ikinci giriş-çıxışından, həmçinin «Cəfər Cabbarlı» stansiyasının giriş-çıxışından istifadə edə biləcəklər.
«Bakı Metropoliteninin rəhbərliyi müvəqqəti narahatlığa görə sərnişinlərdən üzr istəyir», - deyə nəqliyyat müəssisəsinin rəsmi xəbərində bildirilir.
|