Baş Prokurorluq yeni korrupsiya faktı ilə bağlı məlumat yayıb. Məlumata görə, baş prokuror yanında korrupsiyaya qarşı mübarizə idarəsi tərəfindən aparılmış araşdırmalarla bakı şəhərində fəaliyyət göstərən bir sığorta şirkətində çatışmazlıqlar aşkar olunub. Müəyyən edilib ki, 2011-2013-cü illərdə cəmiyyətdə mühasib və baş mühasib vəzifələrində işləyərkən nazim zeynalov sığorta xidmətlərindən nağd şəkildə daxil olmuş 224 min 800 manat məbləğində pul vəsaitini kassaya mədaxil etməyərək mənimsəyib və bununla da şirkətə külli miqdarda ziyan vurub. Fakta görə cinayət işi başlanıb, iş üzrə istintaq davam etdirilir.