Milli Mətbuat Gününə həsr olunan "Bakı-Moskva” adlı konsertdə baş verən hadisələrə başqa ad verib, mətbuatda yanlış başlıqla dərc olunan xəbərlər qarşı tərəfi səssiz qoymadı.

Baş verən olaylarla bağlı XeberdarOlaq-a açıqlama verən Röyanın prodüseri Kənan Bayramov emosialarını cilovlaya bilməyib, müğənninin Ağdamın işğal günündə konsert verməsi kimi yanlış xəbərlərə münasibət bildirib. Kənan xoşagəlməz yazıların sifariş olduğunu iddia edir: 

"O konsert 22 iyul Milli Mətbuat Gününə həsr olunmuşdur. Əslində, bu tipli xəbərlərin kimin sifarişi olduğunu gözəl bilirik. Bir məqam çox təəccüblüdür. Bir adam ki Azərbaycan mahnısını erməni dilində ifa edir, bundan sonra o necə deyə bilər ki, Röya Ağdamın işğal günündə konsert verir? Belə insanlar heç vaxt örnək ola bilməzlər. O ki qaldı efirlərə, mən düşünmürəm ki, hər hansı bir aparıcının rəyindən sonra Röyaya qarşı fikir dəyişsin”.

Konsertin uğurlu keçdiyini açıqlayan Kənan bəzilərinin Röyaya paxıllıq etdiklərini də dilə gətirdi: "Belə də ki, ayın 22-si konsert vermişik və sözün əsl mənasında partlatmışıq. Biz konsertlə yanaşı, bəzilərinin ürəyini də partlatdıq. Jurnalistlərin günündə həmin "bəziləri" sayıb, çağırmadıq deyə bilmirlər, nə edələr. Bizim hər bir uğurlu layihəmiz belə sonuclanıb”.

Konsertdən sonra dincəldiklərini açıqlayan Kənan əlavə etdi ki, heç kim bu cür cılız hərəkətlərlə onların əhvalını korlaya bilməz: "Röya bu olanları çox sakit və normal qarşılayır. Bilirdik ki, kimsə bu uğurumuzu həzm edə bilməyib, bu cür yollara əl atacaq. Amma onlar da gedib, bu cür uğurlu layihə etsinlər, sonra söhbət edərik. Boş-boş danışmaq əvəzinə, iş görmək lazımdır”.