Türkiyə təhlükəsizlik qüvvələri Türkiyə-Suriya sərhədi yaxınlığındakı Suriya qaçqın düşərgəsindəki iğtişaşı yatırmaq üçün gözyaşardıcı qazdan istifadə edib və havaya atəş açıb.

Milli.Az "Amerikanın səsi"nə istinadən bildirir ki, insident zamanı ən azı 7 qaçqın və zabit xəsarət alıb. Düşərgədən daha cənubda da döyüşlərin olması barədə məlumat daxil olub.

Suriyadakı zorakılıqlardan qaçan 43.000-dən çox qaçqın Türkiyəyə pənah gətirib.

Ərazidə temperaturun 40 dərəcədən çox olması ərzaq, su və sığınacaq çatışmazlığı yaradır ki, bu da düşərgə sakinləri arasında gərginliyin artmasına səbəb olur.

ABŞ Dövlət Departamenti bildirib ki, Türkiyə, İraq, İordaniya və Livanla birlikdə Suriyadan pənah gətirən qaçqınlara sərhədlərini da açıb.