Mədəniyyət və Turizm naziri Əbülfəs Qarayevin əmri ilə ölkənin bir neçə mədəniyyət ocağının rəhbərliyində ixtisarlar olub. Bu barədə Teleqraf.com-a nazirliyin incəsənət şöbəsindən bildiriblər.

Məlumata görə, Dövlət Uşaq Filarmoniyasının direktoru Fərəh Şəkinskaya, bədii rəhbəri Oqtay Zülfüqarov, Üzeyir Hacıbəyli adına Dövlət Simfonik Orkestrinin baş dirijoru, xalq artisti Rauf Abdullayev, Gənc Tamaşaçılar Teatrının baş rejissoru Cənnət Səlimova, Muğam Teatrının direktoru Arif Qazıyev, "Qaya” ansamblının direktoru və bədii rəhbəri Rauf Babayev tutduqları vəzifədən azad olunublar. İxtisarlar yaş senzi ilə əlaqədar baş verib. İşdə azad olunan sənətkarların yaşı 75-dən yuxarıdır.

Onların vəzifələrinə yeni təyinatlar hələ yoxdur.