XeberdarOlaq.Ucoz.Com "Akşam"a istinadən bildirir ki, baş nazir Türkiyənin qadınlardan ibarət basketbol yığmasının Anqola komandasını 72:50 hesabla məğlub etməsinə sevinib.

O, baksetbolçu xanımları təbrik etmək üçün komandanın paltardəyişmə otağına yollanıb.
Türkiyənin baş nazirini xanımı Eminə Ərdoğan da müşayiət edirdi.

Qadın basketbolçuları təbrik edəndən sonra Rəcəb Tayyib Ərdoğan türk media mənsublarının yanına getmək istəyib. Lakin Olimpiadanın təşkilat komitəsinin əməkdaşları protokol qaydalarını kobud şəkildə pozaraq Türkiyənin baş nazirinə mane olmaq istəyiblər.

Baş nazirin mühafizəçiləri və təşkilat komitəsinin işçiləri arasında yaranmış mübahisəni sakitcə seyr edən R.T.Ərdoğan onun qarşısını kəsməyə çalışan ingilisə əvvəlcə tərs-tərs baxıb, sonra isə "Sən nə tərbiyəsiz adamsan!" deyib.

Sonda Türkiyənin baş naziri türk jurnalistlərin yanına gedə bilib.