23:52
Bu gün futbol üzrə UEFA Çempionlar Liqasında ikinci təsnifat mərhələsinin cavab oyunları keçirilir. Azerisport.az xəbər verir ki, Azərbaycan çempionu "Neftçi” də növbəti matçına çıxıb.
Komandamız ilk cəhdində Gürcüstan çempionu "Zestafoni”ni mübarizədən kənarlaşdırmalı idi. Hansı ki, "Neftçi” kimi, bu komanda da son iki mövsümdə ardıcıl olaraq ölkə çempionu adını qazanıb. Növbəti mərhələyə adlamaq yolunda çox şeyə elə ilk oyunda demək olar ki, aydınlıq gətirən "Neftçi” 3:0 hesablı qələbənin davamını gətirmək istəyirdi. Hər halda "ağ-qaralar”ın bu üstünlüyü əldən verməsi inandırıcı görünmürdü.
Gözlənildiyi kimi, komandamız səfər matçında da inamlı təsir bağışlayıb. Qələbə qazana bilməsə də, hər halda heç-heçə növbəti mərhələyə çıxmaq üçün yetərli olub.
Qeyd edək ki, bu komandalardan üstün olan tərəf növbəti mərhələdə "Jilina” (Slovakiya) – "Hapoel” (Şmona, İsrail) cütünün qalibi ilə qarşılaşmalı idi. Həmin cütdə İsrail çempionu güclü olub və "Neftçi" məhz "Hapoel"lə qarşılaşmalı olacaq.
Çempionlar Liqası 2-ci təsnifat mərhələsi (cavab oyunu) 24 iyul
ZESTAFONİ - NEFTÇİ - 2:2 (2:1) Qol: D.Muciri, 16 (1:0), J.Dvali, 19 (2:0), J.Vobay, 22 (2:1), R.Sadiqov, 52-pen (2:2) Baş hakim: Artyom Kuçin (Qazaxıstan). Zestafoni. David Abaşidze adına stadion. İlk oyun – 0:3
ZESTAFONİ: 89. Roin Kvasxvadze (k), 2. Teymuras Qonqadze, 3. Tornike Qriqalaşvili, 5. Mamuka Kobaxidze, 6. Tedore Qriqalaşvili, 9. Tornike Qorqiaşvili, 10. David Muciri, 11. Jaba Dvali, 14. Levan Şarikadze, 18. Zurab Menteşaşvili, 80. Abayomin Seun. Ehtiyat oyunçular: 12. Zurab Mamaladze, 4. Edik Sacaya, 8. Şota Babunaşvili, 13. Aleks Benaşvili, 20. Zaal Eliava, 27. Luka Ququçiya, 55. Tornike Aptsiauri. NEFTÇİ: 1. Rauf Mehdiyev, 2. Rail Məlikov (k), 5. İqor Mitreski, 6. Rəşad Sadiqov, 9. Flavinyo, 10. Julius Vobay, 11. Nikolas Kanales, 15. Erik Ramos, 16. Bruno Bertuççi, 25. Cavid İmamverdiyev, 32. Elvin Yunuszadə. Ehtiyat oyunçular: 30. Saşa Stamenkoviç, 3. Saşa Yunisoğlu, 4. Tərlan Quliyev, 17. Araz Abdullayev, 19. Mirhüseyn Seyidov, 26. Kərim Diniyev, 28. Emin Mehdiyev. Oyun başladı 1. "Zestafoni" dərhal hücuma atılır 2. Komandamızı təxminən 300 azarkeş dəstəkləyir 3. Ted.Qriqalaşvili Vobayı yıxdığı üçün sarı vərəqə alır 4. Bertuççinin asmasını qapıçı tutur 7. "Neftçi" hələ ki, daha çox müdafiəyə diqqət yetirir 15. Üstünlük meydan sahiblərinin tərəfində olsa da, komandamız rəqibin təhlükəli vəziyyət yaratmasına imkan vermir 16. "Zestafoni" oyunda ilk korneri yerinə yetirir: Seunun ötürməsini Muciri tora qovuşdurur - 1:0 19. İmamverdiyevin zərbəsi qapıdan aralı keçir 19. Mucirinin ötürməsini Dvali qapıdan keçirir - 2:0 21. Bertuççinin zərbəsini qapıçı dəf edir 22. QOOOOOOOOOOOOOOOOOOOOOL!!! Komandamızın əks-hücumu zamanı Bertuççinin ötürməsini Vobay tora qovuşdurur - 2:1 23. İmamverdiyevin zərbəsini qapıçı qaytarır 25. Flavinyonun zərbəsi zamanı yenə rəqib qapıçı yerindədi 28. Muciri qeyri-dəqiq zərbə ilə yadda qalır 29. Futbolçular arasında kiçik də olsa, gərginlik yaşanır 30. "Neftçi" artıq topa daha çox nəzarət etməyə çalışır 31. "Neftçi" ilk künc zərbəsini yerinə yetirir: Vobayın ötürməsini qapıya göndərən tapılmır 33. Komandamız təhlükəli hücum qursa da, qapıya zərbə ilə tamamlanmır 34. Cavid ofsayda düşür 35. Matçın bu dəqiqələri bir qədər sönük keçir 36. "Zestafoni"nin korneri zamanı müdafiəçilərimiz yaxşı oynayır 37. "Ağ-qaralar" daha bir korneri boşa verirlər 38. Gürcülərin növbəti korneri zamanı cərimə meydançasında qayda pozulur 40. "Neftçi" korneri qola çevirə bilmir 43. Flavinyonun zərbəsi qapıdan yan keçir 44. "Zestafoni" hücuma atılarkən müdafiədə çoxlu boşluqlar buraxır. "Neftçi" bu boşluqlardan maksimum yararlanmağa çalışmalıdı 45. Komandamız rəqibi topsuz saxlamağı bacarır: ardıcıl 33 ötürmə! Birinci hissə başa çatdı İkinci hissə başladı 47. Gürcülər təhlükəli nöqtədən cərimə zərbəsi vururlar: Mucirinin zərbəsi tirdən dönür 48. "Neftçi" daha bir korneri boşa verir 51. Qonqadze cərimə meydançasında Cavidi yıxır və penaltiyə səbəb olmaqla yanaşı, sarı vərəqə ilə də cəzalanır 52. QOOOOOOOOOOOOOL! Sadiqov penaltini dəqiq yerinə yetirərək, hesabı bərabərləşdirir - 2:2 55. Oyunda ilk əvəzləmə: Seun yerini Benaşviliyə verir 57. Benaşvilinin ilk işi qapıya qeyri-dəqiq zərbə vurmaq olur 60. Komandamızın vurduğu ikinci qol demək olar ki, cütün taleyinə tam aydınlıq gətirmiş oldu. Hər halda gürcülər bundan sonra 4-5 qol vuracaq gücdə deyillər 63. Qorqiaşvili yerini Aptsiauriyə verir 65. Stadionda "Zestafoni, davay do svidaniya" qışqırırlar 69. Cavidin əvəzində meydana M.Seyidov çıxır 69. Rəqib komandada isə Qonqadzeni Eliava əvəzləyir 70. Mucirinin zərbəsi müdafiəçilərimizdən dönür 75. Oyun artıq sakit məcrada davam edir 75. Vobayı A.Abdullayev əvəzləyir 80. Komandalar artıq nəticə ilə barışmış görünürlər. Azarkeşlər isə meydanı tərk edirlər 82. Sadiqovun əvəzində meydana E.Mehdiyev çıxır 84. Tor.Qorqiaşvilinin qapıya zərbəsini Rauf dəf edir 84. Korner zamanı yenə eyni futbolçunun qol vurmaq istəyinə yenə Rauf mane olur 88. Muciri qapıya dəqiq zərbə vura bilmir 90. Flavinyonun zərbəsini qapıçı dəf edir Matç başa çatdı
--------- 23:15
Oyunun 52-ci dəqiqəsində Sadiqov penaltini dəqiq yerinə yetirərək, hesabı bərabərləşdirir. "Zestafoni" (Gürcüstan) - "Neftçi" (Azərbaycan) - 2:2.
--------- 22:33
Qollar: Muciri, 16, Dvali, 19 - Vobay, 22. "Zestafoni" (Gürcüstan) - "Neftçi" (Azərbaycan) - 2:1.
--------- 22:20
David Muciri hesabı açdı. "Zestafoni" (Gürcüstan) - "Neftçi" (Azərbaycan) - 1:0.
--------- 22:00
Matç başlandı.
--------- 21:47
XeberdarOlaq.Ucoz.Com "Apasport.az"a isstinadən bildirir ki, ölkəmizin turnirdə yeganə təmsilçisi olan "Neftçi”nin qarşısında növbəti mərhələ adlamaq vəzifəsini yerinə yetirmək durur. Çempionumuzun evdə 3:0 hesabı ilə qalib gəldiyini nəzərə alsaq, Zestafoni şəhərində eyniadlı komanda ilə cavab matçında buna nail olmaq şansı çoxdur. Hər halda, səfərdə hətta 2 top fərqli məğlubiyyət komandamızı III təsnifat mərhələsinə çıxaracaq. Ancaq təbii ki, "Neftçi” rəqib meydanında da qalib gəlmək, ən azı heç-heçə edib, həm mərhələ adlamağa, həm də ölkəmizin UEFA-da reytinqini yüksəltməyə çalışacaq.
Çempionlar Liqası, II təsnifat mərhələsi Cavab oyunu
24 iyul
22:00. "Zestafoni" (Gürcüstan) - "Neftçi" (Azərbaycan) Baş hakim: Artyom Kuçin (Qazaxıstan) Zestafoni. David Abaşidze adına stadion İlk oyun – 0:3
"Zestafoni": 89. Roin Kvasxvadze (k), 2. Teymuraz Qonqadze, 3. Tornike Qriqalaşvili, 5. Mamuka Kobaxidze, 6. Tedore Qriqalaşvili, 9. Tornike Qorqiaşvili, 14. Levan Şarikadze, 18. Zurab Menteşaşvili, 10. David Muciri, 11. Caba Dvali, 80. Abayomi Seun. Ehtiyat oyunçular: 12. Zurab Mamaladze, 4. Edik Sacaya, 8. Şota Babunaşvili, 20. Zaal Eliava, 55. Tornike Aptsiauri, 13. Benaşvili, 27. Luka Ququçiya.
"Neftçi": 1. Rauf Mehdiyev, 2. Rail Məlikov, 5. İqor Mitreski, 6. Rəşad Sadiqov, 9. Flavinyo, 10. Julius Vobay, 11. Nikolas Kanales, 15. Erik Ramos, 16. Bruno Bertuççi, 25. Cavid İmamverdiyev, 32. Elvin Yunuszadə. Ehtiyat oyunçular: 30. Saşa Stamenkoviç, 3. Saşa Yunisoğlu, 4. Tərlan Quliyev, 26. Kərim Diniyev, 17. Araz Abdullayev, 19. Mirhüseyn Seyidov, 28. Emin Mehdiyev.
|