Qol.Az-ın məlumatına görə, təmsilçilərimiz "İnter" və "Xəzər Lənkəran" klubları səfərdə növbəti oyunlarına çıxacaq.

Bakıda "Ateras Tripolis"lə 1:1 bərabər qalan "İnter" cütün taleyini Yunanıstanda həll etməyə çalışacaq. Bunun üçün Kaxaber Sxadadzenin komandası minimum bir qol vurmalıdır.

Digər təmsilçimiz "Xəzər Lənkəran" isə Polşada "Lex" klubunun qonağı olacaq. Lənkəranda baş tutan ilk görüşdə 1:1-lik bərabərlik qeydə alındığından "Xəzər Lənkəran"ı səfərdə çətin oyun gözləyir.

Qeyd edək ki, "İnter" növbəti mərhələyə adlayacağı təqdirdə "Maritimo" (Portuqaliya), "Xəzər Lənkəran" isə "Hafnarfyordur" (İslandiya) - AİK (İsveç) cütünün qalibi ilə qarşılaşacaq.

26 iyul

Avropa Liqasının II təsnifat mərhələsinin cavab oyunları

22:00. "Asteras Tripolis" (Yunanıstan) - "İnter" (AZƏRBAYCAN)

23:00. "Lex" (Poznan, Polşa) - "Xəzər Lənkəran" (AZƏRBAYCAN)