XeberdarOlaq.Ucoz.Com "Space"ə istinadən bildirir ki, bu məsafə Yerdən planetimizin təbii peyki olan Aya qədər olan məsafədən təxminən 2 dəfə azdır.

Yerdən Aya olan məsafə 383 min kilometrdir.
"Huffington Post" bildirir ki, astronomların dediklərinə görə, sərnişin avtobusu boyda, eni 12 metr olan asteroid Yerin fırlanma orbitinin yaxınlığından keçib və planetimiz üçün bu səbəbdən də real təhlükə mənbəyi olmayıb.

ABŞ-ın Aviasiya və Kosmik Tədqiqatlar Agentliyinin (NASA) mütəxəssisləri hesab edirlər ki, asteroid bundan sonra 3,2 milyon illik hərəkətdə olacaq, axırda planetlər olmayan məkana daxil olacaq.

"Mother Nature Network" bildirir ki, NASA-nın Reaktiv Hərəkət Laboratoriyasının hesablamalarına görə, asteroid Yerə doğru yaxınlaşmağa başlayandan bəri onun hərəkəti izlənib.

"Bu asteroid hər 3,2 ildən bir Yerə yaxınlaşır. Lakin son hərəkətində onunla planetimiz arasındakı məsafə, gerçəkdən də, çox kiçik idi", - NASA ekspertləri vurğulayıblar.

"Universe Today"in eksperti Nensi Atkinson yazır ki, aprelin 1-də 46 metrlik "2012 EG5" asteroidi Yerdən 230 min kilometr aralıdan keçib.

"Digital Journal" bildirir ki, hazırda Günəş sistemində təqribən 8900 asteroid var. Onların çoxu alimlərin monitorinqindədir.