Dekabrın sonunda onun aktyor Castin Teru ilə toyu olmalıdır.
Cennifer və Castin toya hazırlaşırlar. Amma toyda aktrisa sevinə bilməyəcək.

Milli.Az National Enquirer-ə istinadən bildirir ki, Cennifer Enistonun anası Nensi Douda demensiya simptomları aşkarlanıb.
76 yaşlı Dou özünü yaxşı hiss etmir.

İki həftə əvvəl çiynini zədələmiş Dou xəstəxanaya yollanmışdı. Həkimlər müayinə aparıblar və məlum olub ki, yaşlı qadının çiyin sümüyü sınıb.
Pasiyentlə danışanda həkimlər Dounun yaddaşında problemlərin yarandığını da görüblər.

"İndi həkimlər əlavə müayinələr aparırlar. Nensi Douda Alsgeymer xəstəliyinin ilkin mərhələsinin başlandığı şübhə doğurmur.
Bəzən o, yaddaşını itirir, kimsəni tanımır", - Enquirer reportyoruna aktrisanın rəfiqəsi deyib.

Cenniferin anası ilə münasibətləri yaxşı deyildi və onlar illərlə küsülü qalıblar. Aktrisa hətta 2000-ci ildə Bred Pittlə toyuna anasını çağırmamışdı.
Lakin indi münasibətlər normallaşıb.

"Cenniferin halı çox pisdir. Onun ailəsində faciə var və xanım Dounun vəziyyəti dəhşətdir. Cennifer anasında belə qorxunc, müalicəsiz xəstəliyin olduğunu düşünəndə az qalır ki, hönkürsün", - aktrisanın rəfiqəsi bildirib.