![»](http://xeberdarolaq.ucoz.com/_tbkp/9999999999999999aaaaaaaaaaasddddddggfdgdfhfg.jpg)
XeberdarOlaq.Ucoz.Com Kəpəz TV-yə istinadən xəbər verir ki, təməli 2009-cu ilin 25 may tarixində Prezident İlham Əliyev tərəfindən qoyulan və ölkəmizdə ən iri layihə olan Şəmkirçay dəryaçasının tikintisi sürətlə davam edir. Artıq layihə üzrə işlərin əsas hissəsi görülüb. Qeyd edək ki, Şəmkir dəryaçası sözügedən rayonla yanaşı, ətraf bölgələrin də əkin sahələrinin suvarılmasına yardımçı olacaq.
Şəmkirçay dəryaçasının uzunluğu 6,1 klometr, eni 700 metr, su tutumu isə 170 milyon kubmer olacaq. Qafqazda ən hündür - 190 metr olan bəndin tikintisi davam edir. Dəryaçanın qarşısında ildə 56 milyon kilovat saat elektrik enerjisi istehsal edən 6 ədəd turbin quraşdırılacaq. Dəryaçada enerji və qəza sutullayıcı tunellərin tikintisi başa çatıb. Hazırda elektrik stansiyasının tikintisi aparılır.
Dəryaçanın tikintisi ilə yolüstü yerləşən kəndlərin vacib problemləri həll edilib. Məsələn, kəndləri rayon mərkəzi ilə birləşdirən yol əsaslı şəkildə yenidən qurulub.
Gələcəkdə dəryaça Şəmkir, Samux, Göy-Göl və Goranboy rayonlarına məxsus 70 min hektar əkin sahəsinin suvarılmasına da xidmət edəcək. Bunun üçün 8 km uzunluğunda tunel çəkiləcək. Artıq tunelin 7 klometrində qazıntı işləri başa çatıb, 2 klomterlik hissədə isə betonlama işi görülüb. Burada hər birinin uzunluğu 26 km olan sağ və sol sahil kanalı tikilir. İndi illərlə su sarıdan əziyyət çəkən kənd zəhmətkeşləri dəryaçanın istifadəyə veriləcəyi günü səbirsizliklə gözləyirlər.
Şəmkirçay dəryaçasının tikintisində 1000 nəfərdən çox fəhlə və mühəndis heyəti çalışır ki, onların 60 faizi Azərbaycan, 40 faizi Türkiyə vətəndaşlarıdır.
Qeyd edək ki, dəryaçadan Gəncə və Şəmkirə içməli su xətti də çəkiləcək ki, bu da hər iki şəhərin su problemini tam aradan qaldıracaq.
|