O, kiçik yaxtasına oturaraq Türkiyəni tərk etmiş, Britaniyaya yollanmış, sevdiyi qadına çatmaq istəmişdi.

Milli.Az The Guardian-a istinadən bildirir ki, Türkiyənin Bodrum şəhərində yaşayan 38 yaşlı Ramazan Noyan Kulum 2005-ci ildə Kiprdə ingilis Kortni Mürreyi görmüş, onunla tanış olmuş və vurulmuşdu.

Kiprə dənizə dalmaq üçün gəlmiş Kortni ona vurulmuş türkü unutmaq istəyirdi və onunla danışmırdı.
Mürrey türk Kulumla maraqlanmayıb, onu tez unudub və Britanityaya qayıdandan sonra başqa kişiyə ərə getməyə hazırlaşıb.

Kulum isə bu evli qadına dəlicəsinə vurulmuşdu və bloqundakı çoxsaylı yazılarında da "O, mənim olacaq, evlənəcəyik" yazırdı.
Sonucda Kulum Bodrumdan 5 metrlik yelkənli qayığı ilə yola çıxdı və 7 aya 4 min kilometrlik məsafəni qət edərək Britaniyaya yan aldı.
Lakin Plimut şəhərinin Sahil Mühafizə Xidmətinin əməkdaşları onu həbs ediblər. Çünki Kulumun vizası və pasportu yoxdu.

Kulum Britaniyadan deportasiya ediləcək.
"Ninova" adlı qayığında sevdiyi Mürreyin arxasınca yollanan Kulum səfər boyunca Kortninin Facebook-dakı profilinə yazırdı.
"Həyat sənsiz mənasızdır mənim üçün. Sənsiz yaşamaq istəmirəm. Gözlə, gəlirəm, eşqim!", - Kulum yazırdı.

Mürrey bu yazıları bəyənmək bir yana - Kulumu Facebookda "yasaqlanan adamlar" siyahısına saldı.
Mürreyin dediyinə görə, Kiprdə olanda Kulum onun telefon nömrəsini otel işçilərindən alaraq sürəkli zəng edirmiş.

Bu azmış kimi Kulum sonradan internetdə bloq yaratdı və Kortninin ona cavab verməməsinə "etiraz" edərək aclıq aksiyasına başladı.

Bloq da elə bu cür - "Kortni Mürrey üçün aclıq aksiyası" (Hunger Strike For Courtney Murray) adlanırdı.
Sonucda Kulum aprelin 23-də Bodrum limanından yola çıxdı və Britaniyaya yollandı.

Mürreyin dediyinə görə, Kulum ona Facebook-dakı qadın dostlarının adından "Lütfən, ona ərə get! O səni sevir!" tipli mesajlar yazırmış: "Ramazanı "ban" etdim, amma çoxsaylı mesajlardan bezdiyim üçün, ümumiyyətlə, Facebook-dan çıxdım".

Axırda Mürreyin xalası işə qarışıb və Kulumun bloquna yazıb: "Sevgili Ramazan! Kortni əri və uşaqları ilə bəxtəvərdir, sənə ərə getmək də istəmir. Bunu anla, ondan əl çək!"
Ramazan bütün bu mesajlara rəğmən, Britaniyaya yol alıb və çatıb.
Amma indi o, deportasiya edilir.