![»](http://xeberdarolaq.ucoz.com/_tbkp/picture154758.jpg)
XeberdarOlaq.ucoz.Com saytına istinadən xəbər verir ki, bu barədə Bakının regional inkişafı planının hazırlanması üzrə işçi qrupun rəhbəri Novruz Eldarlı bildirib.
"Təqdim olunmuş variantlarla bağlı şərhlər gəldikdən sonra işçi qrup yekun variant hazırlayacaq və orada bütün təkliflər nəzərə alınacaq. Bundan sonra, qəbul olunmuş sxem əsasında Böyük Bakı ərazisinin planının hazırlanmasına başlanılacaq. Bu sənədlərdə ərazilərə bölünmə və ümumi nəqliyyat sxemi əks olunacaq. Bu işlərin 2013-cü ilin ortalarına qədər başa çatdırılması nəzərdə tutulub", - o əlavə edib.
Onun sözlərinə görə, regionun genişmiqyaslı analizindən sonra Böyük Bakının regional inkişaf planı hazırlanıb. Analiz göstərib ki, Azərbaycan ərazisinin 4%-ni təşkil edən Böyük Bakıda 3-3,5 milyon adam yaşayır ki, bu da ölkə əhalisinin 32-37%-ni təşkil edir. Eyni zamanda, ölkə ərazisində istehsal olunan ümumi daxili məhsulun da 58%-i Böyük Bakının payına düşür. Bu uyğunsuzluq konsepsiyanın istiqamətlərini - desentralizasiyanı müəyyənləşdirib.
Novruz Eldarlı deyib ki, metropolis yaradılması istiqamətində getmək, daha doğrusu, bir neçə inkişaf mərkəzi olan şəhər yaradılması təklif olunur.
"Bakının mərkəzinin ərazisi 1 min hektardır (Bakının ümumi ərazisi isə 23 min hektardır) və bu kiçik ərazidə bütün əhəmiyyətli inzibati, tibb, ticarət, təhsil müəssisələri, tarixi və mədəniyyət mərkəzləri yerləşib", - o qeyd edib.
Məqalənin tam mətnini "Эхо" qəzetində oxuya bilərsiniz.
|