"Ekspress" qəzeti yazır ki, kabinası üzərində buta şəkli təsvir olunan taksofonlar görünüşü ilə hamının diqqətini cəlb edir. 100-ə yaxın bu cür taksofon həm nağd, həm də kredit kartları ilə işləyir.
Ölkəmizə gələn qonaqların bu aparatlardan asanlıqla istifadə edə bilmələri üçün taksofonların üzərində ingilis dilində yazılar var. Taksofonların üzərində istifadə qaydaları, ölkə və rayonların kodları, köməkçi məlumatlar və s. yerləşdirilib. Şəhərimizə gələn qonaqlar eyni zamanda multimedia taksofonları vasitəsilə ölkəmizin gəzməli, görməli yerləri, otelleri haqqında məlumat almaq imkanına malikdirlər.
Yeni taksofonlarla maraqlananlar əsasən gənc nəslin nümayəndələridir. Taksofonlar ilk baxışdan qəliz, istifadəsi çətin görünsə də, əslində çox bəsit və rahatdır. Multimedia taksofonları dünyanın bir çox inkişaf etmiş ölkələrində quraşdırılaraq fəaliyyət göstərir. Belə ki, bu il Yay Olimpiadasını qəbul edəcək Böyük Britaniyanın paytaxtı Londonda 28 min multimedia taksofon terminal quraşdırılıb. Amma bəzi Avropa ölkələrində isə taksofonlar həm əlavə yer tutduğuna, həm də az tələbat olduğuna görə yığışdırılır.
Xatırladaq ki, hazırda Bakıda 200 universal tipli və GSM taksofon fəaliyyət göstərir. Paytaxtda quraşdırılan 1080 taksofon jetonla işləyir.
Qeyd edək ki, paytaxtda quraşdırılan yeni taksofonlara yaxınlaşınca "Eurovision" mahnımız səsləni
|