Dənizkənarı Bulvar İdarəsinin rəis müavini Nazim Məcidovun XeberdarOlaq.Ucoz.Com-a verdiyi məlumata görə, dünən saat 19:00-dan etibarən bulvarının Əl Oyunları Sarayından Dövlət Bayrağı Meydanına qədər yeni salınmış hissəsi paytaxt sakinlərinin və əcnəbi qonaqların üzünə açılıb.
Rəis müavini qeyd etdi ki, bulvarın yeni hissəsi tamamilə fərqlidir, yeni oturacaqlar, işıqlandırma sistemi, ağaclar var. Əsas fərq isə odur ki, yeni bulvarda velosiped sürmək üçün xətlər salınıb. Orada velosiped kirayələmək üçün stansiyalar var.
"Hələlik velosiped xətti istifadəyə verilməyib. Bir neçə günə velosiped xətti də istifadəyə veriləcək. Sutka ərzində insanlar ondan istifadə edə biləcəklər. Ancaq bulvarın köhnə hissəsində velosiped sürməyə icazə verilməyəcək", - deyə N.Məcidov vurğuladı.
|