![»](http://xeberdarolaq.ucoz.com/_tbkp/4151252152145.jpeg)
Bu gün Prezident sarayının qarşısında aldadılmış istehlakçıların keçirdiyi aksiyaya polis müdaxilə edib, jurnalistlərin fotoaparatları əllərindən alınıb və çəkiliş aparılmağa imkan verilməyib.
Bunu "Qafqazinfo”ya açıqlamasında payçıların hüquq müdafiəçisi Ələkbər Məmmədov söyləyib. Ə. Məmmədov bildirib ki, Kazım Kazımova məxsus olan firmadan şikayət edən payçıların məsələsi prezident aparatına gədər gedib çıxıb: "Prezident də bu məsələni nəzarətə götürüb və göstəriş verib ki, şikayətçiləri ya evlə təmin etsinlər, ya da pullarını geri qaytarsınlar, istəməyən şəxslərin də pulları ödənsin. Amma prezidentin bu göstərişinə hələ də əməl olunmayıb”.
Hüquq müdafiəçisi onu da bildirib ki, payçıların sözlərinə görə, Kazım Kazımov həbsxanada olsa da, oradan da işlərini yürüdür və bu səbəb də onları daha da narahat edib: "Hazırda şikayətçilərin bir neçə Prezident Aparatına daxil olublar və danışıqlar aparılır”.
Ə. Məmmədov onu da qeyd edib ki, aldadılan istehlakçılardan polis tərfindən heç kəs saxlanılmayıb.
|